El Cabu Peñes entama campañes pola normalización del asturianu na hostelería y el comerciu

"El Serviciu de Normalización Llingüística de la Mancomunidá d'El Cabu Peñes, va echar a andar dos campañes nueves de recuperación del asturianu na hostelería y el comerciu.

Coordinaes pola Rede de Normalización Llingüística nos Conceyos, estes campañes quieren siguir y reforciar el camín yá andáu con otres campañes feches n'ediciones anteriores, faciendo de la llingua asturiana un reclamu publicitariu más nel pequeñu y medianu comerciu y la hostelería de los Conceyos de Carreño y Gozón. La campaña de comerciu, entitulada xenéricamente ""Comerciu asturianu: lo que quies, lo que necesites, lo que te presta"". va contar con materiales como bolses de plásticu col eslogan la campaña y a manera de paquete de regalu, espetos pa pescaderíes, carniceríes y fruteríes col eslogan ""ye como ye"" pa poner los nomes del xéneru n'asturianu y cartelos específicos p'anunciar rebaxes. Pela so parte, la campaña d'hostelería va tener por llema ""muéyate cola llingua"" que sustitúi al anterior ""Equí tas en Casa"". Cartelería y señalización n'asturianu (abierto, pesllao, homes, muyeres, acutao...) asina como manteles, y un CD-ROM pa la edición de la carta n'asturianu, son los materiales d'esta campaña, que va repartir cartelos identificativos, serviyeteros verticales con un testu d'Andrés Solar y posavasos. Les campañes tienen un presupuestu de 2.000 € caúna y el sofitu de la Mancomunidá Cabu Peñes y la Conseyería de Cultura y Turismu del Principáu d'Asturies y van entamar a repartise dende'l mes de xineru de 2008, llabor que fadrá la propia responsable del Serviciu de Normalización con señes na cai El Fuerte e/n. 33440 de Lluanco-Gozón
y nel Centru Polivalente ""La Baragaña"", na Cai Bernardo Alfageme 4 de Candás-Carreño . El material de la campaña va poder pidise tamién al tlf 985883532

. La oficina anuncia nos próximos meses una campaña empobinada a rapacinos de 0 a 3 años y la edición de cartafueyos turísticos coles tables de marees pa los meses del branu, vocabulariu de pexe y mariscu y una recoyida de les fiestes y festivales de los conceyos coles sos feches."