Correos retruca que va caltenese'l reapartu nos pueblos

"El presidente de Correos, José Damián Santiago, esclarió esti fin de selmana que ""el carteru va siguir llamando a la puerta de los destinatarios pa entrega-yos les sos cartes o paquetes"". Asina, Santiago quixo aselar la polémica que, sobre'l decretu del Ministeriu de Fomentu sobre la prestación de servicios postales nes zones rurales, tuvo llugar esta selmana. Según informó l'Axencia Europa Press citando fontes de Correos, José Damián Santiago afirma que ""en Galicia, Asturies y toles comunidaes autónomes, Correos entrega tola correspondiencia y demás unvíos postales nes cases de los destinatarios"". ""El nuesu serviciu de repartu ye'l mesmu que facíamos hai un añu y igual al que vamos prestar nel futuru"", aseguró.

Con estes pallabres, el presidente de Correos quixo afitar que'l Decretu aprobáu n'abril del 2007, nel que se regulen los entornos especiales, ""nun cambió nin va implicar un cambiu futuru na forma y o nes rutes que Correos tien establecíes pa desarrollar el repartu postal"". El máximu executivu de Correos destacó que'l citáu Real Decretu esclaria'l marcu normativu y con ello contribúi ""a que se puea prestar el Serviciu Postal Universal con mayor calidá y mayores garantíes en tolos entornos"". José Damián Santiago remarcó que los cerca de 28.000 carteros de Correos siguen faciendo cada día les sos rutes de repartu, en ciudaes y nel ámbitu rural, y reparten nes cases tola correspondencia, ordinaria y cetificada. ""El carteru de Correos sigue llamando a la puerta de los destinatarios de los unvíos, vivan nuna ciudá o ned cases repartíes, y van siguir faciéndolo nel futuru"", dixo testualmente, p'acabar col cualquier duda sobre'l repartu postal nel territoriu nacional y pa descartar que puea afectar al emplegu que la empresa postal pública sostién."