L'asturianu vuelve a la carrera pol rectoráu

"Va cuatro años, la carrera pol rectoráu de la Universidá d'Uviéu tuvo na llingua asturiana ún de los temes protagonistes. La pita de la Xunta Pola Defensa de la Llingua Asturiana, que fexera ellí una de les sos primeres apaiciones, presentóse como candidata alternativa a rector col únicu puntu programáticu de defender la llingua na institución académica. Los dos candidatos al rectoráu, Juan Vázquez y Vicente Gotor, reaccionaron de manera bien distinta a la apaición de la pita na campaña, y asina, mientres Vázquez se negó a aceptar les sos propuestes, Vicente Gotor tomó-y la palabra a la candidata asturianista y aceptó'l so decálogu a favor del asturianu. Agora, cuatro años dempués, Gotor postula otra vuelta pol rectoráu y repite tamién el mesmu apueste pol asturianu, reproduciendo'l . La noticia apaez nel blog Asturies Lliberal, ún de los munchos que puen consultase siempre actualizaos na Canal Blogues d'Asturies.com."