Gabino de Lorenzo ofrézse pa ser el candidatu pol PP n'Asturies

"L' alcalde d'Uviéu, Gabino de Lorenzo, confirmó esti fin de selmana la so disposición pa ser el cabeza de llista del PP por Asturies al Congresu de los diputaos. El veteranu alcalde uvieín, que cunta les sos presentaciones a rexidor de la capital por trunfos y mayoríes absolutes dende 1991 y que refugare presentase pa candidatu a la presidencia d'Asturies nes pasaes elecciones de mayu del 2007, quier que la so candidatura sía un emburrión pa que Mariano Rajoy sía presidente d'España. Gabino diz que se presenta ""con tola ilusión y la esperiencia de 21 años nel Ayuntamientu d'Uviéu"". La dirección del PP asturianu reconoz que Gabino ye'l meyor candidatu posible, mientres que la líder del PP de Xixón ofrézse pa dir de númberu 2. Entovía ta por confirmase la llista definitiva del PP, na que podría dir tamién en puestu de salida Isidro Fernández Rozada y na que ye segura la baxa por retirada de la política d'Alicia Castro, cabeza de llista nel 2004. Namás l'ex - ministru asturianu Álvarez Cascos declaró que nun-y prestaba la política de llevar a alcaldes de cabeza de llista."