El Sporting de Xixón perdió en casa dando mala imaxe

"El Sporting de Xixón dio ayeri énte'l Castellón la peor imaxe en campu propiu de tola temporada y perdió por 0 a 2, un resultáu que-yos complica muncho la situación na tabla a los futbolistes asturianos, que namás xugaron bien los primeros 20 minutos anque ensin crear ocasiones clares de peligru. Col Castellón apertando cada vegada más, Arana adelantaba al Castellón a siete minutos del descansu. tres el saque d'un corner. Preciado, viendo que'l rival diba aselar el xuegu pa matar el partíu, intentó revolucionar l'equipu dandó-yos entrada a Kike Mateo y a Luis Morán, pero nin con ellos meyoró'l ritmu de xuegu d'un Sporting faltu de rixu y d'idees y que perdía munchos balones por imprecisión nos pases. El segundu gol visitante llegó nun corner que Garay, llibre de marca, remató ensin fuerza pero que s'esmució ente los trés palos énte'l plasmu de los xugadores del Sporting y de los 18.500 espectadores que dieron la meyor entrada del añu. N'acabando'l partíu, y ensin otra esplicación meyor, l'entrenador Manolo Preciado definió lo visto como ""día tontu"". L'equipu sigue en puestu d'ascensu, pero empatáu yá a puntos col Elche."