Valledor acusa a la Conseyera de Mediu Ambiente de permitir que venzan les sanciones mediuambientales a empreses

"El diputáu d'IX-BA-LV na Xunta Xeneral, Francisco Javier García Valledor, acusó ayeri a la Conseyera de Mediu Ambiente, Belén Fernández, de querer ""facer d'Asturies nel paraísu de los contaminadores"" por permitir que venciere'l plazu pa executar una sanción contra una empresa por contaminar. Valledor informó que la Procuradora Xeneral emitió un informe relativu a la empresa Caleras de San Cucao nel que s'esplica como prescribieron les sanciones impuestes por infracciones mediuambientales graves cometíes por esta empresa.

Valledor rellaciona esti casu cola permisividá nos vertíos a la Ría d'Avilés. Valledor definió a Belén Fernández como ""la Conseyera contra'l Mediu Ambiente"", y aseguró que l'informe de la Procuradora Xeneral revela la existencia d'irregularidaes graves na xestión de les polítiques ambientales y qu'acusa testualmente al Gobiernu de facer dexación de funciones y actuar con arbitrariedá nes polítiques ambientales. Pal diputáu d'IX, nun se trata d'un casu aisllau y afirma que tien indicios de qu'existen ""decenes de sanciones asemeyaes que nun s'executaron y que prescribieron, permitiendo que los culpables llibraren del pagu de les sos multes""."