Yá pue consultase na rede’l Diccionariu de l’Academia de la Llingua Asturiana

"Dende esta selmana, la web de l’Academia de la Llingua Asturiana presenta una utilidá nueva de gran interés, consistente na consulta na rede del Diccionariu de la Llingua Asturiana. L'adptación del diccionariu a la web corrió a cargu d'Araz Net, empresa matriz d'Asturies.com. La obra normativa asoleyárase en papel a últimos del añu 2000, pero dende va tiempu la institución entamó a pensar na posibilidá d’ufiertar una consulta más rápida al traviés de la rede d'una de les sos dos obres cimeres xunto cola gramática. El buscador, al que se pue entrar calcando na entrada de ""Diccionariu"" na columna izquierda de la páxina web de l’Academia, ufierta resultaos de la pallabra buscada con toles sos entraes y tamién palabres asemeyaes cuando la que se busca nun se recueye nel Diccionariu. Dende l'añu pasáu, los internautes tamién puen consultar na rede el ""Diccionario General de la Lengua Asturiana"", obra del profesor Xosé Lluis García Arias, dende la web del diariu La Nueva España.

Nel 2004 Araz ya desarrollara pa l'Academia de la Llingua l'Iguador de la llingua asturiana, una aplicación pa la corrección de testos en formatu word que tamién pue descargase na páxina de la institución."