IAS estudia sancionar al so conceyal en Piloña

"El partíu políticu Izquierda Asturiana (IAS) estudia imponer sanciones al so conceyal en Piloña, José Ángel García ""Allende"", que tien abiertu un espediente internu por acusaciones d'actuar al marxe de les directrices de la organización y subordináu a la dinámica marcada pol PSOE nel sen del conceyu piloñés. El diariu La Nueva España adelantaba ayeri que la organización nacionalista va decidir nuna asamblea esti sábadu les posibles sanciones al conceyal dempués de que s'ellaborare un informe pola comisión de garantíes nomada a los efectos. En declaraciones que recueye'l diariu, José Ángel García enfótase en que la situación xenerada pueda tener igua."