Asturies aumentó nun 5,25 la so converxencia con Europa

"Asturies aumentó nun 5,25 por cientu la so converxencia con Europa ente'l 2000, cuando yera del 77,93, y 2006, añu en que l'índiz de converxencia foi del 83,18, según sorraya l'informe sobre'l 'Balance Económicu de la Fundación de les Caxes d'Aforros Confederaes (Funcas).

L'informe espeya que cinco autonomíes, como son los casos de Baleares (-8,30), La Rioja (-3,92), Cataluña (-3,12), Valencia (-2,87) y Murcia (-0,56) dieron hasta pasos hacia atrás, destacando pola so mayor converxencia comunitaria Extremadura (9,05), Castiella y Llión (8,36), Cantabria (7,81), País Vascu (7,79), Galicia (5,45), Asturies (5,25), Andalucía (4,47), Aragón (3,82), Navarra (2,26), Castiella La Mancha (0,59) y Madrid (0,28) asitiándose la media nacional nun 2,11. L'informe apunta que ""ye evidente que'l mayor desarrollu relativu de les provincies españoles asítiase nel norte d'España, en Madrid, en Baleares y la costa mediterránea del nordés español. Na midida qu'ún de los componentes del ídniz de converxencia ye la población, Castiella y Llión, que con un escasu crecimientu de la so población llogra unos incrementos elevaos nel so índiz de converxencia.

Nesti sentíu contrariu, les comunidaes que rexistraron fuertes crecimientos de la so población ven cómo'l so índiz de converxencia rexistra crecimientos baxos, y hasta descensos respecto de les sos posiciones nel 2000. Con independencia de la converxencia europea de les autonomíes españoles, ""ye interesante destacar cuáles son les provincies españoles qu'algamaron un mayor índiz de converxencia y cuáles les que tovía s'asitien en posiciones de converxencia inferiores"". La mayor converxencia provincial s'asitia nes tres provincies vasques, Madrid, Navarra, en dos catalanes (Tarragona y Gerona), en dos castellano llioneses (Burgos y Valladolid) y en Zaragoza. En cuantes a les provincies de menor índiz de converxencia, ""apaecen seis provincies andaluces (Jaén, Granada, Cádiz, Sevilla y Málaga), Badajoz, Alicante, Albacete y Zamora"". Hai casos estraños, como'l d'Alicante, qu'apaez nuna posición irreal a causa del cómputu d'una mayor población inmigrante, que vive de les rentes tresferíes del esterior y nun se computa como renta española. L'auténtica posición alicantina va tener de tar sobre'l 90% del índiz de converxencia européu. Dago paecío pasa con Baleares y Málaga, provincies mui afectaes pola residencia d'estranxeros xubilaos""."