El PP critica'l proyectu pa llevar el tren al aeropuertu

"Dempués de l'anuncia por parte del gobiernu asturianu del entamu de los estudios pa llevar el tren hasta l'aeropuertu d'Asturies, el presidente del PP d'Avilés y diputáu autonómicu, Joaquín Arestegui, aseguró ayeri nuna de prensa que la salida a subasta pública del estudiu pa esta obra ye ""una mala copia en blanco y negro"" del proyectu que realizare nel so momentu Francisco Ávlarez Cascos. P'Arestegui con esta anuncia lo único que se pretende ye recuperar un proyectu que ya se plantegó hai seis años. ""El proyectu que tenía Cascos yera de modernización de les infraesctructures ferroviaries n'Asturies y n'Avilés, el proyectu que proponía yera innovador, y podía contactar coles dos grandes ciudaes d'Asturies en cerca de 15 minutos y a la vez col aeropuertu"" dixo'l diputáu. P'Arestegui, el PSOE abandonó dafechu la idea de Cascos y nun garantiza nin rapidez nin comunicación, amás cuando los ciudadanos d'Avilés quieran dir al Niemeyer, va tener de saltar con pértiga porque la barrera ferroviaria va siguir ehí"", dixo'l presidente del PP d'Avilés."