El trespasu de los telecentros a los conceyos dexa ensin trabayu a bien de los sos responsables

"Col entamu d'esti añu 2008, los 85 telecentros de la Rede pública asturiana de telecentros pasaron a dependen de los sos respectivos conceyos, que son los encargaos poner personal al cargu de los mesmos. Dellos telecentros, d'agora en p'alantre nomaos oficialmente ""Centros de Dinamización Tecnolóxica Local"" alcuéntrense a resultes d'esta situación nuna situación de pieslle temporal, mientres que, en munchos de los que siguen abiertos, los trabayadores que los atienden nun son los mesmos qu'echaron el pieslle'l 31 d'avientu pasáu. Anque dellos conceyos quieren siguir colos mesmos trabayadores, n'otros casos tán cubriéndose los puestos con personal de bolses de trabayu o técnicos propios. Los técnicos que yá nun tienen trabayu denuncien que, al trespasar los telecentros a los conceyos, l'Alministración namás quería evitar tener que facer contratos indefiníos a cerca de cien persones, desfaciendo una rede que llogró dellos premios y reconocimientos dende qu'echare a andar, ente ellos el de meyor rede de telecentros d'España nel 2006."