Acaba la “Xunta d’Escritores Asturianos” cola presencia de la editora aragonesa Trinidad Ruiz

"La ""Xunta d'Escritores"" alcuentru lliterariu bienal que se celebra n'Uviéu, llega güei a la so xornada de pieslle, que va entamar a les 5 de la tarde cola conferencia ""Historia y signu de la bandera d'Asturies"" por Marta Lozano. Media hora dempués, a les 17:30, Inaciu Galán va falar de ""Monólogu modernu: el compromisu d´un xéneru"". Mayte González va falar dende les 6 de la tarde de ""Apuntes sobre los aconceyamientos d´escritores asturianos"" y a les 18,30 Humberto Gonzali va afondar nestes cuestiones cola so propuesta pa ""Una institución pa les lletres asturianes"". Pa echar el pìesllu cuentase cola collaboración de xente destacao de fuera. En concreto, cola presencia de Trinidad Ruiz Marcellán, directora de la Editorial Olifante, del Festival del Moncayo y de la Casa del Poeta de Trasmoz, que va falar a les 7 de la tarde. Productos d'esta casa van centrar les últimes sesiones, presentándose a les 19,30h la obra ""Arquitextura"" d'Ángel Guinda, y dende les 20h el llibru Tola lluz del mundu, d´Ángel Guinda, primer poemariu sextillingüe que s'edita n'España, cola intervención de la editora Trinidad Ruiz. Los actos van ser na biblioteca del Campu San Francisco d'Uviéu."