Entamó la campaña electoral pa les elecciones europees n'Asturies
|
22 Mayu, 2009 por Pablo R. Alonso
- Inicie sesión o rexístrese pa espublizar comentarios
Unidá Nacionalista Asturiana, Andecha Astur y IU-Bloque por Asturies entamaron les sos respectives campañes electorales esti vienres cola presentación y pegada de los sos cartelos electorales. Mientres la UNA apuesta pol lema "Da-y voz a Asturies", Andecha Astur emplega "Y tu, vas quedar paráu...?". Pela so parte la candidatura d'IU, na que ta integrada'l Bloque por Asturies, ta encabezada nel nuesu país por Marta Pulgar, y preséntase col lema "Ante la crisis: movilízate por tus derechos".
Unidá Nacionalista Asturiana presenta pa estos comicios como númberu ún al xixonés Daniel Fernández Blanco, siguíu por Yolanda González Huergo, y Fernando Ornosa, ex voceru del Conceyu Abiertu pola Oficialidá, nel númberu trés. Mientres que la llista d'Andecha Astur ta encabezada por Mario Arbesú, nel númberu dos figura Arturu Xosé Bermeyu y nel númberu trés Paloma García Fernández.
Pela so parte Bloque por Asturies que ta incluyíu na llista de la que formen parte tamién Izquierda Xunida, Iniciativa Per Catalunya-Verds, Esquerra Unida i Alternativa. Pablo Fernández, actual voceru de la organización, ta incluyíu dientro de la candidatura presentada por esta alianza de partíos d'izquierdes.
Efrén d'Andrés
Lo + visto de la selmana
Comentarios
Llástima que nun haiga xuntanza, veremos que pasa depués del 7-J. IU nun ye partíu asturiano ye estatal.
Nin hai xuntanza nin va habela nunca, esa ye la calamidá, y anque la hubiere, nada garantiza sacar algo que sobrepase'l ridículu
Gabis
Estes eleiciones lo meyor podien facer ye pedir el votu pa I.I, por que de toes formes yos va quitar el votu de munchos nacionaliegos, solu hai que mirar les encuestes que hai pelos foros n'algunos más del 50% de ventaya lleven yá.
Al final, hasta los más "pernacionaliegos" voten candidatures ayenes dafechu a Asturies y los asturianos. País.
Gabis
Que más quisieran algunos nacionalistes españoles que nun haiga xuntaza
Unes veces ye la potencia de la machucona electoral de los partios estatales. Otres veces foi IX y coaligaos. Anguaño van perdese votos por aciu d'II. El casu ye que siempre va haber daquién qu'esgoncie les posibilidaes electorales de les fuerces nacionalistes. Pero'l so principal problema tiénenlu en casa coles sos eternes divisiones y enfrentamientos. Ensin iguar eso cualquier otra fuerza política grande o pequeña va ser siempre pa ellos un problema insalvable.
El nacionalismu asturianu nun necesita, enxamás necesitó, competidores electorales. Anque nun hubiere más partíos qu'ellos el resultáu sería siempre'l mesmu: fragamentación, división, engarrada personal, ataque internu...autodestrucción...
Gabis
Nos cartelos d'estes dos fuerces nacionaliegues d'izquierdes veo delles coses. Nel cartelu d'una d'elles el rapaz lleva ropa de mui bona y reconocida marca deportiva, cosa que me paez mui bien, agora eso sí, que dexen de llau los anacrónicos discursos anticapitalistes. L'otru cartelu paez el d'una película romántica, con una parexa tradicional (mozu-moza). Los dos comparten una visión idealizada del nun menos románticu mitu de la mocedá. Cartelos estéticamente guapos pero que paecen pedir el votu namás a los menores de 22 años, pudieren ser más efectivos nuna campaña deñ Conseyu la Mocedá.
Gabis