Miles de persones manifiestense nes cais de Bruseles en defensa del emplegu

|

Sobre 40.000 persones, según los datos de la Policía manifestáronse esti vineres peles cais de Bruseles, convocaes pola Confederación Europea de Sindicatos (CES) pa pidir a la UE qu'entame un plan de recuperación económica más ambiciosu centráu na defensa del emplegu.
 
La manifestación desarrollóse un día dempués de la celebrada en Madrid. Van siguila otres dos europropuestes en Berlín y en Praga esti sábadu. En total, los convocantes quieren movilizar a casi 300.000 trabayadores.
 
"L'oxetivu d'esta manifestación ye pidir una Europa social que mos protexa de la desregulación del emplegu", esplicó'l secretariu xeneral de la CES, John Monks. "Queremos que los trabayadores se beneficien de les mesmes ayudes de les que disfrutaron los banqueros", añadió en declaraciones recoyíes polos medios belgues.
 
Al so xuiciu, "el éxitu" de les dos primeres euromanifestaciones en Madrid y en Bruseles ye una "señal clara" de que les preocupaciones de los ciudadanos polos sos trabayadores y el so futuru deben tenese en cuenta. "Pidimos un nuevu pactu social n'Europa, les bases pa una mayor xusticia social y más y meyores puestos de trabayu", dixo.

Contador Estadistiques