L'abogáu del Estáu reconoz que nun hai nenguna prueba contra UNA

|

L'abogáu xeneral del Estáu, Joaquín Fuentes Bardají, reconoció que nun "hai pruebes" contra la candidatura europea d'Unidá Nacionalista Asturiana. Dende esta formación afirmen que "asisten con indignación y impotencia a esta caza de bruxes, a esti auténticu esperpentu que pon nel más absoluto de los ridículos a los que lu esparden".
 
"Nun podemos venir al Tribunal Supremu a impugnar porque sí", dixo De Fuentes, que sin embargu afirmó que de tener pruebes demientres la campaña electoral, o dempués d'ella contra esta segunda llista diba actuase contra ella. 
La UNA califica "d'insultantes y ridícules" les informaciones que la venceyen a "intereses ayenos a los asturianos"
 
Según la UNA "presentó 58 avales de cargos electos representativos de tola xeografía estatal y de tol espectru ideolóxicu, pa los que pidimos el máximu respetu ya que gracies a ellos pudimos tar presentes nestes eleiciones adaptándonos a la llexislación vixente. Estos avales namás representan el sofitu d’eses persones a que la UNA pueda exercer el derechu a presentase a las eleiciones, y en nengún casu suponen nengún tipu de vinculación, afinidá política o condicionamientu con respectu a les distintes y variaes organizaciones a les que pertenecen cada una de les 58 persones".
 
Dende Unidá Nacionalista Asturiana pidese'l "máximu respetu tamién pa los 55 asturianos y asturianes que conformen la so llista, ya que nun se pue poner en cuestión en nengún momentu la honorabilidá de les personas que la componen con insinuaciones tan graves como les que tán sufriendo y que van tener consecuencies irreparables pa delles".
 
Asimesmo dende la UNA recuerden que "ye una organización política asturiana, que tien un ámbitu d'actuación esclusivamente asturianu, polo que son insultantes y ridícules dafechu les informaciones que faen  referencia a la posible vinculación de la so candidatura con intereses ayenos a los asturianos", y alvierten que "va denunciar por difamación a tol que faiga por esparder un bilordiu de semeyantes dimensiones que nun tien base nenguna".
 
Finalmente esta formación quiso "agradecer l'apoyu que ta recibiendo nes últimes hores dende distintos sectores de la sociedá asturiana que, al igual que UNA, asisten con indignación y impotencia a esta caza de bruxes, a esti auténticu esperpentu que pon nel más absoluto de los ridículos a los que lu esparden".
 
Sí va impugnase Iniciativa Internacionalista
 
Per otra parte, la Fiscalía si impugnó a les 10.00 hores de güei ante la Sala del 61 del Tribunal Supremu la llista presentada pa les elecciones europees por Iniciativa Internacionalista-La Solidaridad entre los pueblos (II-SP), encabezada pol dramaturgu Alfonso Sastre, al considera que se trata d'una "sucesora fraudulenta" de la illegalizada Batasuna. La Fiscalía va unise dientro d'unes hores a esta iniciativa , presentando la so propia demanda, que busca evitar qu'esta candidatura se presente a les elecciones del próximu 7 de xunu.
 
La decisión d'impugnar esta llista se basa en diferentes informes de la Guardia Civil y de la Policía que se punxeron a disposición del Ministeriu Públicu los últimos díes, y que diba espeyar una infiltración por Batasuna de la llista d'II-SP.
 
Tres presentar la demanda, De Fuentes Bardají esplicó qu'ayeri a mediudía s'aconceyó colos ministros de Xusticia y Interior, Francisco Caamaño y Alfredo Pérez Rubalcaba, colos que llegó a la conclusión de que "hai pruebes bastantes p'actuar conta esti partíu pa que nun puea presentase por ser sucesor de Batasuna".

Comentarios

Namai dicir a UNA que dende La Razón, COPE, hazteoir.org y dellos medios de calter nazi-onalista español tan dando la noticia al altu la lleva pa criminalizavos, asina que deberieis tomar medies por que ye per grave munches de les declaraciones nes que tan criminalizando a miles de persones del movimientu nacionaliegu asturianu. Muncha suerte y cuntais col mio votu. PUXA ASTURIES DIXEBRÀ!!!

Eso pasa por nun tener partíos nacionaliegos n'Asturies, sinon partiducos, partidinos. Migayes como dixo Hevia.
Si tuvieren toos xuntos habría presencia na Xunta Xeneral del Principedo, y otru gallu cantaría. Pero como tán toos engarraos pues a pirru flecu too son pulgues. Nun m'estraña que'l BNG refugara la so presencia na coalición europea na que ta. Nin tampoco que la fsa faga con el.los lo que-y de la gana. O que cada vez que presenten les papeletes n'asturianu tengan problemes, o que...
O se xunten o desapaecemos.
 

Ablucante lo de la TPA, na so web castellaniza'l nome del partíu y fala d'"unión nacionalista asturiana".

Lo pondré en Castellano para que se me vea la mala ostia que arrastró. Cuanto más a viejo voy, más asco me da el imperialismo (que no nacionalismo, España no existe como nación aunque sí como Estado) español!!!

Pesie a toles torgues y pilancos a la fin UNA llogra presentase. Perbono; tamién que AA se solidarice con ellos, y ye que ya va siendo hora nos xuntemos pol bien d'Asturies . Esta vegada nun pue ser pola premura tiempu ente les elleiciones, pero el tiempu dirá. UNA ye nuea nes europées. AA repite esta vegada en solitariu (pol vetu de BNG) pa que tuviese en Europa de los Pueblos, onde a mio entender fizo una bona xera dientru les sos posibilidaes plantegando entrugues al traviés del eurodipitáu y tamién en Madriz.
Suerte dambos.
Puxa Asturies.

Güei domingu La Nueva España, esi periódicu que sigue calteniendo la mesma cabecera del terrorismu franquista, saca un artículu onde relaciona hasta'l PAS con ETA.
A min parezme que foi un erru lo de pedir avales a ANV, ye da-yos la carnaza que tanto-yos presta, nun se pueden tener metedures de pata como estes.

Estos de "La Nueva España" fumaron peyote o tan un poco achispaos.

Hay que mete-yos una querella a estos medios por difamación, inxuries, calumnies, nun puen dise de rosites. Mentes otros partíos como DN (Democracia Nacional, que tien les manes manchaes de sangre y sólo sabe armar griesca puen presentase). Tamos fartos represión. Pero lo cierto ye la xente se lo cree too de que UNA metió la pata y va perxudicar amás d'ella a AA la otra opción asturiano que se presenta.

La verdá ye que lo de pidir esos avales ye un erru, anque tendríen que ser anónimos y quedó nidio que son llegales. Nes mios intervenciones equí siempre sofito a UNA como la opción dende la que pue reconstruise'l nacionalismu asturianu. Y sigo pensándolo, sobre too pola xente que ta ehí, y nesti casu polos que van na llista. A los que conozo merecenme tol enfotu y veo qu'ehí hai posibilidaes.  Agora namás queda dir a votar como una sola persona pa ponenos nel mapa políticu otra vez. Esto que pasó ye malo por tola propaganda negativa, y supongo que-y valdrá a la UNA pa deprender. Pero dicen que de los momentos de crisis salen les grandes oportunidaes. ¿Podrá aprovechase esto pa que la xente vea qu'hai una posibilidá d'existencia electoral del nacionalismu asturianu?
Yo polo que veo nel mio círculu más cercanu esti linchamientu lo que provocó ye una corriente de simpatía. Hai qu'aprovechar eso y facer de la necesidá virtú. Ye la mio opinión constructiva.

Ciertamente ye la to opinión respetable, pero yo nun la comparto en parte. Per un lláu el intentu de criminalización polos medios estatales o afines a los partíos españolistes, pue tener un efeutu "boomerang" ente la xente nacionaliega asturiano poniéndola a favor de la UNA. Pero per otru lláu lo que se tien que valorar a la hora de votar ye la xera fecha n'Europa, y  non votar a ciegues porque se intentó criminalizar a tal o cual opción; nesi sen la ventaya ye ñidia y claro a favor de AA que llevó munchos temes al traviés del eurodiputáu de Europa de los Pueblos(Musel, ZALIA, llínies llétriques).
No tocante a quien ye'l referente pa la unidá,  lo que ta ñidio ye que AA siempre esistió como tal, y les escisiones nun me convencen (aldordase onde tan güei los del BA en IU).
Una cosa se xuntanza de la que toi a favor y otra posibilismu y masimalismu.
 
Por ciertu si UNA y AA nun pudieron presentase na coalición Europa de los Pueblos fo pol vetu del BNG.

Nun vemos les coses igual, eso ta nidio. Nestes elecciones nun se vota pa facer un trabayu n'europa porque les opciones asturianes nun tienen opciones. Yo voi votar a UNA porque me paez el proyectu con más futuru p'axuntar xente y reagrupar al nacionalismu asturianu, creo qu'eso vese viendo la llista de candidatos y candidates que lleven. Tampocu voi criticar a naide, pero al final les que llevamos tiempu nesto ya sabemos lo qu'hai en cada sitiu y lo que dan de sí les coses y la xente. Pero pa gustos...

Va a ser que non -(pola mio parte de momentu)-, da-y la oportunidá a una coalición que ñació fracasá, ( espulsión del conceyal de PILOÑA, marcha de LV-GV de la coalición) que diz dir a la gueta de la xuntura cuando va a la gueta l'enfrentamientu con AA de onde vienen parte de los sos militantes, y amás ¿qué ye que nun hai xente abondo que hai que sacar los avales de ANV?. Ye una crítica costructiva cola so torpeza ta faciendo flacu favor a la xuntura y al nacionalismu asturianu en xeneral.
Quiciabes lo que pasa ye que nun tienen autocrítica y la culpa de too ye de AA.
Xuntura sí pero non a costa de facer el rídiculu y con refundaciones de escisiones.

Los pocos comentarios qu'hai nesta web tienen una cosa buena, que ye que nun caen nes típiques guerres ente los guetos asturianistes repitiendo les meses coses una vuelta detras d'otra. Yo nin siquiera soi d'UNA, namái soi votante polo que ya dixe, asina que nun pienso entrar al xuegu al que quies entrar, pa eso ya hai otres páxines que de xuru tu tamién visites. Tolo que pienso y sé del to partíu voi callalo precisamente por esto que te digo. N'Asturies toos y toes nos conocemos.

Nun entren nos típicos comentarios que dices porque los censuren o esborrien, asina que pa qué?. Nun soi afiliáu de AA sinón votante, y  sí agüeyo toles páxines asturianistes n'interné, pa contrastar información, y non creyer lo que diz la voz de so amu nos distintos casos, ya que unes páxines güeb son afines a unos y otres a otros. Confundístete si crees que soi seutariu. Pero tas a tiempu convenceme pa que nun vote a AA y sí a UNA. N'Asturies toos/es nos conocemos. Si calles otorgues pues dicir lo que quieras

Contador Estadistiques