El Conceyu d'Avilés aprueba'l dictame de la so toponimia tradicional

|

La Comisión de Cultura del Conceyu d'Avilés aprobó güei'l dictame de la toponimia de les sos seis parroquies, pueblos, aldees y barrios que de magar agora va considerase oficial. El documentu inclúi la reconocencia de la siguiente denominación pa les sos seis parroquies: Avilés, Miranda, San Cristóbano o San Cristóbal d'Entreviñas, San Xuan de Nieva, Navarro o Valliniello y La Madalena o Corros.

   Amás, incorpórense otros términos de pueblos o barrios, como L'Arbolón, Les Arobies, Les Meanes o El Parche, en referencia a la Plaza del Ayuntamientu. Tamién apaecen El Poblao de La Carriona, El Poblao de Llaranes o La Xuncarosa, que tamién se podrá llamar Barrio de La Luz. Les Arenes, Les Teyeres, Villanueva, La Llosa o Nondivisa son otros nomes aprobaos.

   El dictame diose por bonu tres estudiar la propuesta de la Xunta de Toponimia, y les de les asociaciones de vecinos y la Conceyalía de Cultura.

Contador Estadistiques