TPA va emitir allanciáu l'actu oficial del XXX Día de Les Lletres Asturianes

TPA emite allanciáu mañana vienres, 8 de mayu, a les 24.00 hores l'actu oficial del XXX Día de les Lletres Asturianes (que ta previstu pa les 20.30), organizáu pola Academia de la Llingua Asturiana, que se va celebrar el mesmu día de tarde nel Teatru Campoamor, n'Uviéu.
 
El programa recueye la intervención d'Ana María Cano González, presidenta de l'Academia de la Llingua, que va facer un análisis del usu de la llingua nel últimu añu, y del gaiteru José Ángel Hevia, que va tomar posesión del cargu d'académicu d'honor d'esta institución. Hevia torna asina nel primer músicu qu'entra na Academia de la Llingua.
 
L'actu va tar acompañáu d'actuaciones del gaiteru Yago Bugallo, y del cantante folk Xuacu Amieva. TPA va ofrecer simultáneamente esti actu al traviés del satélite Hispasat pal restu d'España, Europa y América, y per Internet pa tol mundu na web www.rtpa.es.