Glenn Chadwick ye'l primer líder de la Vuelta Ciclista a Asturies

El ciclista neozelandés Glenn Chadwick, del equipu norteamericanu Rock Racing, ye'l primer lider de la 53 edición de la Vuelta Ciclista a Asturies tres ganar la primer etapa, ente Uviéu y Llanes, depués de 156 kilómetros de recorríu con un tiempu de 3 hores, 23 minutos y 36 segundos. L'asturianu Samuel Sánchez, medallista olímpicu, quedó sestu na etapa a 3 minutos y 3 segundos.

La etapa resolvióse con una escapada del propiu Chadwick xunta al portugués Tiago Machado, del Madeinox Boavista. Dambos escaparon al llau d'un numberosu grupu de corredores nel entamu de la xornada. Sicasí, faltando entá mas de 100 kilómetros dambos marcharon xunta a Luis Mas (Burgos Monumental) y Matthew Brammeier (An Post Kellyen). POr embargu los dos primeros amosaron más fuerza y acabaron escapando en solitariu, llegando algamar diferencies bultables respective al pelotón, qu'a la fín pudo amenorgar la distancia pero nun fui quien a pillalos. Finalmente Machado y Chadwick disputaron la victoria na meta llanisca, siendo'l segundu'l que s'impuso claramente nel sprint. A poco más de tres minutos llegaría'l pelotón.

D'esta forma'l neozelandés pasa a liderar la clasificación xeneral, seguíu del portugués. Esti miércoles dispútase la segunda etapa, de 182 kilómetros, ente Llanes y Xixón.