Santuyano acueye la muestra (Des)_Conexiones
|
28 Abril, 2009 por Pablo R. Alonso
- Inicie sesión o rexístrese pa espublizar comentarios
Hasta'l 8 de mayu y con motivu de la XVII Selmana Cultural, puede vese nel Campus Universitariu de Santuyano n'Uviéu la muestra (Des)_Conexiones, esposición que presenta les obres de 19 artistes nuna amuesa onde pretenden rescamplar les "complexes rellaciones ente l'arte y el públicu".
Comisariada pol artista César Ripoll Dono y patrocinada pola Facultá de Xeografía y Historia y la Universidá d'Uviéu, esti proyectu interdisciplinar -pintura, grabáu, diseñu, illustración, escultura, instalaciones- ñaz de la "necesidá d'amosar una realidá colectiva del mundu del arte, d'averalu a toos, partiendo de la premisa de la falta de conexón ente los diversos ámbitos de la cultura".
Efrén d'Andrés
Lo + visto de la selmana
Comentarios
En fin, too ye arte, y si nun te gusta, llámente retrógradu y coses peores, yo...que-y voi facer, esto que llamen agora "arte modernu"(sic) y que particularmente yo calificaría como "naif" nos meyores casos, nun acaba convenceme, y nun soi nin facha, nin insensible, nin ensin estudios, nin nada d'eso, pa gustos nacieron colores, ¿non?, pues a mín nun me gusta, y como a mín a muncha xente, que nun s'atreve a dicilo pa que non la insulten, ¿o nun conoceis el cuentu del Traxe Nuevu del Emperador", de Hans Christian Andersen?, pues ta empezando a pasar daqué apaecío na nuestra sociedá.
Gabis
Pues precisamente esta esposición trata d'eso, deles conexones y desconexones ente l'arte contemporáneu y la sociedá. Pémeque nun ye un debate qu'haiga que confundir con nenguna opción política, precisamente agora que se cumplen 100 años del Manifiestu Futurista nun ye que Marinetti y compañía fueran comunistes precisamente, por poner un exemplu, y taben na vanguardia absoluta.
Creo que tamos ente una cuestión que parte d'un problema educacional dende los ciclos primarios y que s'estiende hasta'l bachilleratu. L'arte nun ta lo suficientemente valorao na educación y voi más allá, esti déficit llega inclusive a la propia universidá, onde les nueves tendencies malpenes tienen sitiu nos temarios. Termines la carrera sabiendo más d'iglesies armenies que de lo que se fixo más allá de 1945.