Darréu recuerda que "ensin mocedá, nun hai futuru"

Los datos demográficos d'Asturies, con una perda de 8.000 habitantes según los datos del INE, esmolez al coleutivu mozu Darréu, que culpa de la situación al "paru, precariedá y emigración" qu'atopa la xuventú asturiano. "Entendemos que toes estes cuestiones nun son frutu de la casualidá, nuna Asturies onde’l problema estructural de la emigración y la falta de futuru llaboral vien siendo una constante dende va décades", espliquen dende la organización, que ve como solución a esta situación "la emancipación social, nacional y de xéneru". En defintiva, "dende Darréu insistimos na necesaria llucha soberanista, socialista y antipatriarcal como pilares fundamentales pa que la mocedá asturiano pueda estudiar, trabayar y vivir dignamente nel nuesu país, frente al prietu futuru que nos ufren les élites polítiques y económiques anguaño", fina un comunicáu qu'afirmaba nel so títulu que "ensin mocedá, nun hai futuru".