I Xornaes d'estudiu de l'asociación cultural AYDA en Ponga

L'asociación cultural Alfabetización y Deprendimientu del Asturianu (AYDA) entama les sos primeres Xornaes d'Estudiu, que van celebrase los díes 25 y 26 d'abril en San Xuan de Beleño, nel conceyu de Ponga. Delles charres etnográfiques y una amuesa de bailles del país componen el programa d'estes xornaes.

D'esti mou'l sábadu a les 11.30 hores va ser l'Apertura de les Xornaes. Darréu, a les 12, entama la conferencia “El filu d’oru: Relixón ya identidá na tradición oral asturiana” por Cristobo García Pérez. A les 14.30 h Xinta na "Fonda Ponga". Pela tarde, a les 17 hores “La bruxería n’Asturies” por Berto A. Peña y a les 19 hores va desendolcáse un "Averamientu práuticu al baille del país" por Ramsés Ilésies. A les 21.30 hores “Menú p’aprendices de bruxes y otros seres máxicos” y a les 24 hores Danza na plaza l’ayuntamientu.

Yá'l domingu a les 11.30 hores va tener llugar la charra “¿Fiestes cristianes…o fiestes paganes?" a cargu de Roberto González-Quevedo. Darréu será'l pieslle d'estes Xornaes

El preciu ye de 30 euros un día y 60 los dos díes y p'apuntase hai qu'escribir a aydastur@hotmail.es