L'estudiu "Arqueología medieval en Asturias" algama'l premiu "Alfredo Quirós"

El llibru "Arqueología medieval en Asturias" d'Iván Muñiz López y Alejandro García Álvarez algamó'l Premiu "Alfredo Quirós", un galardón anual convocáu pola llibrería Cervantes d'Uviéu. Los trabayos "La cultura del tejo. Esplendor y decadencia de un patrimonio vital" d'Ignacio Abella y "La arqueología industrial de Oviedo y su área de influencia" de José Fernando González y Pelayo Muñoz Duarte resultaron finalistes.

Con esta son yá trece les ediciones d'esti galardón que premia los estudios de temática asturiana, dotáu con 6.000 euros y na que se presentaron más d'una trentena d'obres. Nel actu nel que s'anunciaron los estudios premiaos y finalistes presentosé'l llibru ganador del añu pasaú, tituláu "Poetas asturianos para el siglo XXI" de Carlos X. Ardavín Trabanco, profesor titular de lliteratura y cultura españoles na Universidá de Trinity (EE.UU) y nel que fai un repasu a la poesía asturiana dende 1975 hasta l'actualidá, tanto en llingua astuariana como en castellana.