Consuelo Vega va participar nes Xornaes sobre la Carta Europea de Llingües Rexonales o Minoritaries

17 Abril, 2009 por Pablo R. Alonso

Inicie sesión o rexístrese pa espublizar comentarios

La Directora Xeneral de Política Llingüística, Consuelo Vega Díaz, asistirá los prósimos díes 20 y 21 d’abril de 2009 a les Xornaes sobre “La Carta Europea de Lenguas Regionales o Minoritarias: logros y retos” que se van celebrar nel Muséu Guggenheim de Bilbao.

Según informa la Oficina de Política Llingüística del Gobiernu asturianu "la Presidencia Española del Conseyu d’Europa, en collaboración col Ministeriu d’Alministraciones Públiques y el Departamentu de Cultura del Gobiernu Vascu, por aciu de la Viceconseyería de Política Llingüística, asina como la Universidá del País Vascu, organicen estes xornaes nes que, mediante ponencies, comunicaciones, meses redondes y debates, se van analizar distintos aspectos relacionaos cola Carta Europea de les Llingües Minoritaries y Rexonales, asina como esperiencies na promoción y protección de dalgunes llingües minoritaries".

Asturies.com ufre a los sos llectores'l programa d'estes xornaes en formatu pdf.

Adxuntu	Tamañu
triptico_castellano_euskara.pdf	443.58 KB

Comentarios

nordés wrote on 17 Abril, 2009:

Respective a esta información, surde una entruga y tres posibles respuestes: - ¿Consuelo Vega a que va? A) Va deprender de la delegación francesa técniques p'acabar más rápido coles llingües minoritaries, como ellos faen col bretón o'l corsu. B) Va enseñar a otros colegues europeos los métodos emplegaos n'Asturies p'acabar con una llingua minoritaria. C) A y B son correctes Yo quedó cola C (que quereis, habrá que tomalo con humor)