Les coaliciones electorales pa les elecciones europees van definiéndose

|

Si hai unos díes el BNG daba anuncia de la so intención de sumase a la coalición de la izquierda nacionalista entamada por ERC y Aralar, agora ye la coalición entamada pol PNV y Convergència i Unió la qu'anuncia la so composición de cara a los comicios.
 
Encabezada pol convergent Ramón Tremosa, la canditura va tar formada amás de por esa federación catalana, pol Partido Nacionalista Vasco, el Bloc Nacionalista Valencià, Unió Mallorquina, el Partido Andalucista y Coalición Canaria, qu'acaba de sumase a la propuesta.

Dase'l casu que los nacionalistes canarios tamién fueron sondeaos por Esquerra Republicana de Catalunya, sicasí, esto foi enantes de la firma definitiva del alcuerdu de los republicanos con Aralar y el BNG, lo que pudo inclinar la balanza a favor de la opción de CiU-PNV, vista como más moderada polos canarios.

No que cinca al nuesu país, nenguna de les formaciones nacionalistes asturianes confirmaron entá la so presencia nes coaliciones entamaes.

Contador Estadistiques