L'IPC sube una décima en marzu n'Asturies y la tasa interañal asítia nel 0,1%

L'Índiz de Precios de Consumu (IPC) aumentó una décima nel Principáu d'Asturies (+0,1%) sobre'l mes anterior, mientres que nel conxuntu del Estáu l'incrementu foi de dos décimes. D'esta manera, la tasa asítiase nel -0,1% n'Asturies, el mesmu descensu rexistráu nel Estáu foi nos últimos doce meses.

   Nel primer trimestre del 2009, l'IPC acumula una cayida del -1,5% na Comunidá Autónoma, y del -1,1% na media del Estáu, según los datos espardíos güei pol Institutu Nacional d'Estadística (INE).

   A nivel estatal, la tasa interañal del PIC entró la primer vez na so historia, en valores negativos. En concreto, dende 1961, --añu nel que s'entama la serie histórica del IPC--, nunca s'esperimentó una tasa interañal negativa de crecimientu de precios.
 

   Amás, en marzu, l'IPC interañal rexistró n'España'l so octavu descensu siguíu. La tasa final (del -0,1%) contrasta cola algamada nel mesmu mes del 2008 (+4,5%), ún de los meses nos que los precios subíen de manera desorbitada al encarecimientu del barril de petroleu.