La Coordinadora Ecoloxista denuncia un vertíu de basa en Cuideiru

La Coordinadora Ecoloxista d'Asturies ta acabante de presentar una denuncia énte l'alministración asturiana, la Demarcación de Carretres, la Confederación Hidrográfica y el Seprona, pola aparición de basa nel puertu de Cuideiru, producida "aparentemente pola repla de les obres de l'autovía".

Según los ecoloxistes la mancha de la basa nel puertu pixuetu "pudo vese durante tol fin de selmana". Les obres de l'autovía del Cantábricu que tan desarrollándose nos conceyos de la costa occidental asturiana como Cuideiru y Valdés son la causa señalada pola CEA.