La Casa d'Asturies en Valencia convoca'l I Concursu de Rellatu Curtiu

Por cuenta de la celebración el próximu 20 de xunu del Día de les Lletres Asturianes na Casa d'Asturies en Valencia, convócase'l I Concursu de Rellatu Curtiu, que tien como oxetivu "fomentar la presencia y caltener el usu de la llingua asturiana ente la emigración asturiana de la ciudá".
 
Establécense dos categoríes de premios: la “a”, na que podrán participar cualesquier sociu de la Casa d’Asturies, y la “b”, na que lo podrán facer cualesquier persona mayor d’edá, residente n’Asturies o miembru de los centros asturianos reconocíos pol Conseyu de Comunidáes Asturianes. El plazu de presentación fina'l 31 de mayu.

Asturies.com ufre a los sos llectores les bases completes en formatu pdf.