Los estudiantes abandonen l'enzarru na Universidá d'Uviéu pero alvierten que va haber más protestes

El grupu d'estudiantes de l'Asamblea contra'l Plan Bolonia que s'enzarró ayeri na Universidá d'Uviéu en solidaridá colos sos compañeros de Barcelona abandonó esta mañana l'enzarru, anque tien previsto convocar nueves aiciones nel mes d'abril, según confirmaron a Europa Press.

   Los estudiantes s'enzarraron ayeri pa protestar contra l'actuación policial que sufrieron los sos compañeros de Barcelona nel claustru de la Universidá Autónoma de la ciudá condal, asina como los firíos tres la carga policial na manifestación que tuvo llugar la selmana pasada.

   En cuanto a les nueves proteses, el colectivu estudia realizar enzarros nel mes d'abril sin una duración definida y en delles facultades de la Universidá d'Uviéu.