Celébrase esti sábadu en Xixón una “Marcha Negra” contra los retayos

Esti sábadu 14 de xunetu CSI, CGT, SUATEA, FUSOA, CS Sestaferia, Alambique y CS La Semiente, convoquen una "Marcha Negra", que va salir del Centru Especial d’Emplegu APTA (El Piles) de Xixón a les 17:00 h. y va finar nos terrenos de Naval-Xixón, anguañu ocupaos pola "Semana Negra".
 
Col lema "rescatemos los nuestros derechos, recuperemos el nuestru futuru”, los convocantes llamen a refugar los recientes recortes del gobiernu. Pela so parte Compromisu por Asturies, al traviés de la vocera de la Executiva Nacional, Yolanda Huergo, fixo públicu'l so sofitu a la marcha. Según la vocera de la organización, "ye necesario visibilizar que les distintes agresiones que tán sufriendo diversos sectores y colectivos sociales, nun son fechos aisllaos, sinón que formen parte d'una involución, d'una vuelta de tuerca, que pretende esaniciar les conquistes social y llaborales consiguíes con sangre, sudu y llárimes tres de munches xeneraciones", polo que "ye necesario sofitar y dir a una convocatoria cola que los organizadores pretenden amosar que too ye parte de lo mesmo; d'una gran robu d'una minoría privilexada a una mayoría a la que quier desaposiase de tolos derechos".

secciones: