Skip to content

El Gobiernu xube l'IVA al 21% y retaya les prestaciones por desempléu

Xunetu 11, 2012 por E.P. / Redacción

El presidente Mariano Rajoy ta acabante de dar anuncia de que'l Gobiernu va xubir l’IVA del 18%  al 21%, y el reducíu del 8% al 10%, Asimesmo los nuevos paraos verán amenorgaes les prestaciones a partir del sextu mes del 60 al 50% de la base reguladora.
 
Otres mídies anuncies esta mañana son suspender la segunda paga estraordinaria de los funcionarios y emplegaos públicos, al tiempu que va reducir los moscosos y va axustar el númberu de lliberaos sindicales a lo puramente dispuesto na llei. La suspensión de la segunda paga estraordinaria namás va ser compensada nel 2015 nel casu de los funcionarios y emplegaos públicos.
 
A too ello va sumase la supresión de les bonificaciones a la contratación y de la deducción pola compra de vivienda. Retáyense un 20% les partíes destinaes a partíos y sindicatos y propón reducir el númberu de conceyales nun 30%.
 
Con estos nuevos retayos el gobiernu de Rajoy pretende aforrar 65.000 millones en dos años.

Comparte...