L'Endevour acoplase a la Estación Espacial

La nave espacial de la Nasa, Endevour, acoplóse con éxitu a la Estación Espacial Internacional na madrugada del domingu. Les tripulaciones de la STS-126 Endeavour y de la Estación Espacial, ficieron la ceremonia de bienvenía y tán a poco d'entamar los trabayos d'ampliación del complexu orbital.
 
N'esta misión tamién se da el relevu a un miembru de la expedición 18, Greg Chamitoff, que ye inxenieru de vuelu, por Sandra Magnus, especialista de misión. El cambiu de puestos va ser oficial cuando Chamitoff ponga'l su asientu na nave Soyuz que ta amestada a la estación como ye vezu cuando se faen estor intercambios de miembros residentes. El restu de los astronautes que llegaron nel Sts-126 Endeavour tienen per delantre una xera curiosa pa conseguir que los paneles solares del complexu orbital furrulen al maximu de potencia. Esta enerxía va ser emplegada en preparar al conxuntu pa recibir tripulaciones permanentes el doble de grandes qu'agora. La casa del espaciu va pasar de tener 3 cames y una bañu, que a tener 6 cames dos baños y un xinaxiu. A lo llargo del añu que vien 6 persones habitarán el conxuntu como miembros permanetes de les espediciones lo que va ser la puesta en marcha de la estación y el comienzu de les campañanes d'investigación que lleven tantos años paraes.
Galería de vídios de la misión
http://www.nasa.gov/mission_pages/shuttle/shuttlemissions/sts126/launch/...
Galería d'imáxenes del despegue y la llegada a la estación:
http://www.nasa.gov/mission_pages/shuttle/shuttlemissions/sts126/multime...
Pdf col press kit
http://www.nasa.gov/pdf/287211main_sts126_press_kit2.pdf