¿Hai que crear un nuevu partíu “d’izquierdes, asturianista, ecoloxista, republicanu y altermundista”, como diz Valledor?
18 Marzu, 2009 por Redacción
Sí, ye necesario y tien de partir de la refundación d'IX
40%
Non, yá existe esa opción fuera d'IX
24%
Yá tenemos munchos partíos, lo que falta ye que conecten cola sociedá
35%
Efrén d'Andrés
Comentarios
Sinceramente, creo que con ambes definiciones "Izquierdes" y "Nacionalista" n´Asturies ya sobren partios, hai tantos que ya dan ciertu tufu a sectarismu. Creo que somos munches les persones n´Asturies que siendo Nacionalistes nun nos sentimos d´izquierdes, y per otru llau tampoco de dereches. Xente que nun tamos representaos nel circu polítucu, porque dende un sentimientu Social Identitariu, nun nos afayamos ni coles polítiques lliberales o neolliberales de la drecha, nin nos afayamos coles demagoxes e hipocresíes de los valores de la Izquierda.
N´Asturies fae falta un partiu aglutinador, fuera de sectarismos, que sin caer na decadente moral d´izquierdes ni nel fracasau lliberalismu de les dreches, trabaye por sacar alantre Asturies dende una concepción Social e Identitaria, con propuestes y modelos económicos modernos, serios, sostenibles y siempre pensando nel llargu plazu.
Buenes Roberto,
Nun voi facer equí proselitismu de denguna oución política, nin de tendencies tampoco, ensín embargu nun acabo de ver el grau de compromisu políticu de una posible organización que nun s'enmarque nin na izquierda nin na drecha. El fechu de ser d'izquierdes o de dreches - dende los munchos puntos de vista que se pue ser d'izquierdes o de dreches - nun ye evitable. Cada unu de nosotros tenemos una postura política de "pallabra, fechu o omisión", y les propuestes ambigües son propies de movimientos desmovilizaores, na mio opinión. El tener presente al oxetu de les polítiques, Asturies n'esti casu, y non les víes pa aporta-y soluciones a esi oxetu nun cabe más que dende dalguna ocución que lo que busque ye'l continuismu, vistiéndolu de centrismu - Nun falo del to casu, ye la esperiencia que tengo coles formaciones que refuguen definise - ¿cómo va enfrentase una fuerza "aglutinadora" a la creación d'empleu? ¿y nos temes sociales? ¿y en temes de proteición del mediu ambiente? ¿enerxía? ¿industria?. La izquierda y la drecha ye verdá que munches vegaes se confunden, ensín embargu creo que un partíu que parta de la "ambiguedá" política, nun ye más que un partíu de dreches que nun quier decir que lo ye, a la izquierda suel interesa-y identificase como tala. En resume, lo que quiero decir ye que la to propuesta veola imposible, yo nunca militaría nun partíu que la única definición que tien ye la de nacionalista, ¿como va resolver esi partíu los temes del día a día? ¿o ye que'l nacionalismu asturianu sólo aspira a llexislar sobre temes d'identidá?
Un saludu.
Ya nun tamos nel sieglo XIX nin XX, el reduccionismu políticu entiendo que evolucionó y evolucionará. Güey falase de dreches ya izquierdes dandoyos un usu que na primer metá del pasau sieglu venti nun entenderien. En mediu sieglu púdose comprobar los éxitos y fracasos, les bondaes y los errores de los estremaos sistemes políticos. Güey, más que nunca ye entendible la esistencia de les terceres vies. La concencia política nun ye solo teoría económica o de xestión, xunto a esta hai valores sociales y morales, modelos económicos, modelos de incentivos y nun tien porque dase la coincidencia de que too esto se enmarque na mesma corriente ideolóxica.
Si bien el panorama políticu Español ye retrógadu nel so sentiu bipartidista, que censura y acalla alternatives a les dos úniques visiones socio-polítiques vixentes, ye nidio que el saneamientu democráticu, como demuéstrase en otros estaos con mayor dinamismu democráticu, pasa por nueves alternatives en les que se mezen modelos económicos de un llau, valores sociales d´utru, modelos educativos del utru...xunificaos con una determiná imaxen mediática-publicitaria, siendo que naide pue dudar de los sos éxitos.
Si n´Asturies vamos siguir anclaos nel bipolismu Izquierdes/Dreches, seguiremos manteniendo´l mesmu diálogu políticu decadente y extintu que da llugar a la eterna unidirección político-económica del nuesu pais. Si nun hai cambeos, nun hai alternatives, todo sigui lo mesmo.
Nun-y veo futuru políticu a nenguna opción política asturiana autónoma porque la nuestra sociedá por desgracia apenes entiende'l contraste Asturies-Madrid, y munchu menos Asturies-España, quitando sacar algún conceyalín.
Gabis
Precisamente'l papel d'una opción política autónoma ta en facer ver a la sociedá esos contrastes Asturies-Madrid y Asturies-España. Pero pa ello hai que filar mui fino. Saber cómo s'arma esa bolera y saber xugar la partida pa ganala. Ehí ta'l gran problema ya'l megollu la cuestión. O los resolvemos o acabamos cayendo en sucu baxeru.
Yá, pero por desgracia, yo particularmente, nun veo nada nin naide que sepa armar esa bolera. Depués de 26 años de militancies varies veo a los restos de los partíos asturianiegos más perdíos y más minoritarios que nunca, con menos posilibilidaes que nunca, nin traces qu'eso vaya a mudar nun futuru. Siéntolo pero yo véolo asina. Comparto la idea de Valledor, pero toi convencíu que diba ser un rotundu fracasu electoral.
Gabis
La única posibilidá ye la refundación del nacionalismu asturianu a seques, nuna opción onde cueyan tolos nacionalistes ensin nenguna esclusión y centrada al cien por cien nos problemes reales d'Asturies, enterrando definitivamente dogmatismos, sectarismos, tribalismos y plantegamientos surrealistes.
Non, nun creo que sea sectarismu, la socieda ye plural, y el nacionalismu asturianu nun se escapa, la xente participa de les corrientes diverses de la socieda, y los partidos formenlos persones que reflexen eses realidaes ¿Como nel casu del nacionalismu asturianu converxer y limar diferencies pa presentar un programa real a los asturianos y algamar obxetivos serios? Esa ye la cuestión.
Gran acoyida de la Feria d'Abril en Xixón. Esto ye lo qu'hai, amiguinos.