La música y cultura bretona protagoniza una folixa en Ciañu

La Fiesta La Bretaña va averar esti sábadu la música y la cultura bretona a los asturianos. Ciañu acueye una celebración con clases maxistrales a lo llargo de tola tarde que va zarrar, yá de nueche, una gran espicha-conciertu.
 
Les persones interesaes en participar nes clases maxistrales d’acordión y de baille tradicional bretón, que van impartise na Casa de los Alberti de 16.30 a 18.30 hores, pueden facelo de baldre nel teléfonu 984.282.925 o al traviés del corréu electrónicu casadelosalberti@ayto-langreo.es. Una perbona ocasión de conocer de primer mano la cultura y les tradiciones d’esti país hermanu.
 
Yá de nueche, a partir de les 21 hores, va celebrase una espicha-conciertu na cancha cubierta del IES La Quintana cola participación de la banda astur-bretona Latira, Fañch Loric y los grupos Wipidoup y Kermabon-Kermabon. Música y muncha folixa hasta bien entrada la madrugada.

secciones: