China protesta pol alcuentru ente Sarkozy y el dalai lama n'avientu

PEKÍN, 14 de Payares (EUROPA PRESS/Débora Altit) China espresó güei'l so desacuerdu cola entrevista prevista ente'l presidente francés, Nicolas Sarkozy, y el dalai lama, el cabezaleru espiritual tibetanu, el próximu mes en Polonia. Sarkozy, nesti momentu tamién presidente de turnu de la UE, va alcontrase col tibetanu'l 6 d'avientu al asistir a les actividaes organizaes pa celebrar la concesión, hai 25 años, del premiu Nobel de la Paz al ex presidente polacu Lech Walesa. El dalai lama, designáu a la so vez como Nobel de la Paz en 1989, tamién va participar nes celebraciones.