Llanzamientu del Discovery camín de la Estación Espacial

La misión STS-119 Discovery fixo un despegue espectacular a les 00:43 (GMT) de güei. L'orbitador de la NASA va camín de la Estación Espacial col enfotu d'instala-y un xuegu de paneles solares, que sumáu a los que yá tán furrulando nel complexu, va incrementar la enerxía llétrico disponible y permitir espediciones más numberoses. Si esta misión termina con ésitu 6 astronautes, en cuenta de 3, van poder residir de forma permanente na ISS.

El llanzamientu tuvo precedíu por munchos retrasos que cuasi que ponen la misisón a piques de tener qu'aplazase dafechu.

El vuelu ta comandáu por Lee Archambault, con Tony Antonelly  faciendo de pilotu
y lleva a bordu a los especialistes de misión Joseph Acaba, John Phillips, Steve Swanson y Richard Arnold, amás del astronauta de l'Axencia Espacial Xaponesa (JAXA), Koichi Wakata, que va dar relevu a Sandra Magnus, sustituyéndola nel so puestu de la Espedición 18. L'astronauta norteamericana va volver a la tierra nel Discovery a la fin de los trabayos d'incrementu de la Estación. La ISS cumplió en payares de 2008 diez años de vuelu n'órbita baxa terrestre.