Despega'l telescopiu espacial Kepler

El cohete Delta-2 arrellumó'l cielu de Cabu Cañaveral llevando a recostines l'observatoriu espacial Kepler na so misión de guetar planetes estrasolares terrestres. El telescopiu de l'axencia norteamericana del espaciu, NASA, va ser puxáu pol llanzaor Delta hasta una órbita solar dende la que les vistes van ser más afayadices pa llograr el so cometíu. La sonda ta diseñada pa responder a una de les entrugues fundamentales de la astronomía contemporánea que ye la de si ye común la formación de planetes del tamañu de la tierra n'otros sitemas solares.

Col censu final obteníu a lo cabero de la misión va sabese la proporción de planetes terrestres na Vía Láctea. El proyectu va durar tres años y mediu y col usu de detectores parecios a los que se usen nes cámares dixitales van censase 100.000 estrelles del mesmu tipu qu'el sol.

http://www.nasa.gov/mission_pages/kepler/main/index.html

http://www.spaceflightnow.com/delta/d339/

http://www.spacedaily.com/reports/NASA_launches_telescope_to_seek_Earth-like_planets_999.html