Bloquiada la llei que diba axilizar los cambios nel Gobiernu autonómicu, tres l'astención del PP

PSOE y IX-BA-Verdes carguen escontra los 'populares' y-yos reprochen la so "irresponsabilidá" UVIÉU, 13 de Payares (EUROPA PRESS) La propuesta de la Mesa de la Xunta Xeneral del Principáu d'Asturies (XXPA) de tramitación directa y en llectura única del Proyeutu de Llei del Principáu d'Asturies de segunda modificación de la Llei del Principáu d'Organización de l'Alministración, nun salió gúei alantre nel Plenu, pola astención del Grupu Popular. Quedaba asina frenada la propuesta, destinada a que'l presidente del Gobiernu del Principáu, Vicente Álvarez Areces, pudiere modificar la estructura ensin que tenga qu'aprobase pola Cámara.