Alcuentru de rabileros en Candamu

El vienres día 27 de febreru va celébrase n'Asturies un alcuentru de música tradicional, que va tener de protagonistes a esos que más dan al rabil, las zanfoneros y los bandurrieros. L'alcuentru ye iniciativa de la Escuela de Música de la Quintana de Xixón y la Escuela de musica tradicional Manolo Quirós d'Uviéu, cola collaboración del Conceyu de Candamu y la empresa New Construction..
 
La cita ye a les 20:00 hores nel Palaciu de Valdés-Bazán en Grullos -capital del conceyu de Candamu- onde va poder vese una amuesa de lo que tán faciendo alumnos y mayestros nes escueles mencionaes. Asina, van tar presentes José Ángel Llaneza, mayestru n'Uviéu, y Merce Santos, esta última mayestra de zanfona na escuela La Quintana de Xixón, y miembru del grupu La Bandina. Amás de la amuesa en directo de la música de les zanfones y les bandurries, tamién va haber una esposción sobre bandurries dende'l día 21 de frebreru.