El Plan d'Estensión de les redes móviles algamó n'Asturies 387 núcleos de población, con 39.359 beneficiarios

El Plan Estensión de la Rede de Telefonía Móvil del Ministeriu d'Industria, Turismu y Comerciu desarrolláu ente'l 2005 y el 2008, algamó n'Asturies 387 núcleos de población, toos rurales, con 36.359 beneficiarios, segúnfizo públicu'l Ministeriu.
 
De la mesma manera, nel conxuntu del estáu proporcionó cobertoria a más de 5.300 núcleos rurales con 1,1 millones de ciudadanos beneficiaos, tal y como informó güei'l ministru del área, Miguel Sebastián, nel actu de presentación de Mobile World Congress celebráu en Barcelona.
 
En concreto, al Principáu d'Asturies se destinó una inversión total de 19,86 millones d'euros con 183 estaciones base instalaes, de les que 18,67 millones se destinaron a la zona rural con 161 estaciones base nesos territorios.
 
El Plan tuvo ente los sos oxetivos l'ampliación y meyora de la cobertoria de toles autopistes y autovíes y les infraestructures ferroviaries. Asina, se dotaron 887 tramos de carreteres y ferrocarril d'alta capacidá en toa España, con una inversión de 70 millones d'euros. D'ellos, 1,19 millones se destinaron a Asturies con un total de 22 estaciones base instalaes.
 
En conxuntu'l Plan xeneró una inversión d'unos 900 millones d'euros per parte de los operadores que s'axudicaron les frecuencies concedíes cuando entamó'l plan. De la mesma manera, d'esta iniciativa beneficiáronse más de 1,1 millones d'usuarios.
 
El ministru recordó que'l Plan Avanza 2 (2009-2012) va suponer la creación de más de 200.000 puestos de trabayu cualificaos en cuatro años y que van destinar un presupuestu de más de 1.500 millones pal 2009 al mesmu.
 
El titular d'Industria añadió que la inversión de la primer versión d'esti Plan, desarrollada ente'l 2005 y el 2008, superó los 5.000 millones d'euros. El ministru señaló que l'oxetivu del plan yera'l d'incrementar el pestu de les Teunoloxíes de la Información (TIC) na economía española pa meyorar la productividá de les empreses y el bienestar de los ciudadanos.
 
De la mesma manera, demientres la so intervención recordó dende'l so departamentu va autorizase l'usu de frecuencies de GSM de 900 megahercios (MHz) y de DCS de 1.800 MHz pa servicios de tercer xeneración.
 
Sebastián señaló qu'España ye "cabezalera" n'Europa en penetración de banda ancha móvil y añadió que nel mercáu español la competencia ta "plenamente desarrollada" cola presencia de los principales actores internacionales.
 
El minitru añadió que dientro d'esti procesu de desarrollu se ta estudiando la posibilidá d'entamar una nueva banda de frecuencia de 2,6 gigaherzios pal desarrollu de "servicios móviles avanzaos".