Rescatada en Colunga una buelga del estegosauriu más grande del mundu

L'equipu científicu del Muséu Xurásicu d'Asturies (MUJA) asitiáu en Colunba rescató güei d'un acantiláu próximu al faru de Lluces (Colunga) la buelga más grande del mundu alcontrada hasta agora d'un exemplar d'estegosauriu.
 
Trátase d'un dinosauriu xigante qu'habitaba na época del mesozoicu y que midía nueve metros de llargor y más de tres mestros d'altor. Según esplicó José Carlos García Ramos, el director científicu del MUJA, director de la operación de rescate de la büelga, que tien más de 150 millones d'años antigüedá.
 
La espedición tamién contó cola presencia del alcalde de Colunga, Rogelio Pando, y el director xeneral de Patrimoniu Cultural, José Luis Vega, que resaltó'l llabor tan importante que desarrollen García Ramos y el so equipu.
 
"Sin les investigaciones y el trabayu de José Carlos Colunga, nun diba ser como ye un refernte mundial nel campu del xurásicu y siempre va contar col nuesu apoyu", apuntó Vega, que nun dudó en tender la mano al equipu científicu del Muja y ofrece-yos l'apoyu d'un helicópteru pa rescarta otra büelga, nesti casu d'un teorópodos, asitiada tamién na zona, y que poles sos grandes dimensiones, ye imposible rescartar con medios humanos.
 
"Necesitamos un helicópteru porque ye un bloque de roca que pesa delles tonelaes y ye imposible sacala a mano. Trátase d'un fósil, d'otru exemplar de dinosauriu xigante y tamién se llocalizó un esqueletu, una güelga nesti casu d'una mano d'un esterosaurios", destacó García Ramós.
 
En media hora tola espedición llogró con éxitu sacar la buelga del 'estegosaurios' de 70 kilos de pesu  y llevala a tierra firme pa la so proteición y estudiu.
 
"Tamos mui satisfechos, la operación foi un éxitu y agora con ganes de continuar nesta llinia y siguir rescatando esta herencia que mos dexó el pasáu, y que por suerte abonda nesti llitoral asturianu", acabó García Ramos.
 
García destacó la importancia del rescate de güei pa la comunidá científica mundial, dao qu'hasta'l momentu sólo s'alcontraron güelgues d'exemplares d'estegosaurios, n'Estaos Uníos y n'Inglaterra, anque "nenguna ye tan grande como la rescatada güei de la costa colunguesa".