El númberu de pasaxeros del Aeropuertu d'Asturies baxa un 30 por cientu en xineru

El númberu de pasaxeros del Aeropuertu d'Asturies baxó un 30 por cientu en xineru en comparanza col mesmu mes del 2008, según informó AENA. El tráficu de pasaxeros totales nel aeropuertu d'Asturies demientres el primer mes del añu foi de 75.834. A nivel nacional, el descensu foi del 17 por cientu.
 
El mayor descensu se rexistró nos viaxeros nacionales que sufrieron una cayida del 33,4% sobre xineru, mientres el porcentaxe de pasaxeros internacionales caltién una tendencia al alza, con un aumentu del 33,6% en comparanza col mes de xineru del 2008.
 
Esta mesma tendencia se rexistra nel númberu d'operaciones. Demientres el mes de xineru se produxeron nel Aeropuertu un total de 1.156 operaciones de lo que supón una reducción del 21,1% si se compara col mesmu periodu del añu anterior. D'elles 902 (28,7%) correspuenden a vuelos nacionales y 198 (+59,7%) son operaciones de carácter internacional.