EL BOPA publica la nueva toponimia oficial de Cangues, Mieres y Sobrescobiu.

El Boletín Oficial del Principáu ta acabante d’asoleyar los decretos qu’oficialicen la toponimia de los conceyos de Cangues, Mieres y Sobrescobiu. El pasáu 6 de febreru estos decretos fueron aprobaos en Conseyu de Gobiernu. Anguaño yá tan oficializaos los topónimos de 36 conceyos del país.

Les nueves denominaciones de Cangues, Mieres y Sobrescobiu, aprobaes pola Xunta de Toponimia y yá col preste del Gobiernu asturianu pasen a tener la consideración de denominaciones oficiales y obliga a les administraciones públiques a “adecuar de manera progresiva les rotulaciones en víes públiques y carreteres de los tres conceyos citaos, asina como de mapes y planos oficiales a les formas toponímiques afitaes nos Decretos”.