La Bandina, Felpeyu, Bacotexo, Músicos pola Oficialidá y Alfredo González candidatos al "Meyor cantar asturianu"

Mieres va acoyer el próximu 21 de febreru la gala d'entrega del  Premiu al 'Meyor Cantar Asturianu'. El ganador  va representar a Asturies nel Festival Internacional de Llingües  Minoritaries Europees, que va celebrase en Frisia esti añu.
Esti ye'l segundu añu siguíu, qu'esti conceyu va ser la sede d'esta cita, qu'organiza la Direición Xeneral  de Política Llingüística del Principáu, cola que se persigue la  puesta en valor de la música asturiana y que va celebrase nel  Auditoriu de la Casa de la Cultura, el 21 de febreru, a les 19.00  hores.
El premiu presentólu esta mañana na Casa de Cultura de Mieres la  directora xeneral de Política Llingüística, Consuelo Vega, y  l'alcalde de Mieres, Luis María García. Nesti actu diéronse a  conocer los cinco nominaos a esti premiu: Alfredo González, por 'La  nada y tu'; Bacotexo, por 'Queimar al cielo'; Felpeyu, por 'Refalfiu';  La Bandina, por 'Valse Coxu'; y Músicos pola Oficialidá, por 'Garra  la pallabra'.
Como novedá nesta edición, el ganador al 'Meyor Cantar Asturianu',  va representar a Asturies nel Festival Internacional de Llingües  Minoritaries Europees, que va celebrase en Frisia esti añu. Consuelo Vega agradeció al Ayuntamientu la so collaboración. Pela  so parte, l'alcalde de Mieres, agradeció la elección de Mieres como  sede y ofreció les instalaciones del conceyu como sede pa eventos  d'esti tipu "que van llinia de Mieres d'apuesta pola música fecha  n'Asturies".