Henrique G. Facuriella presenta’l so últimu llibru

L’escritor Henrique G. Facuriella presenta esti xueves el so últimu trabayu lliterariu, tituláu “Intersicios. Estudiu pa una topografía de lo que nun ye”, editáu por Ámbitu. L'actu va ser a les 20:00 hores na Llibrería Bertrand, allugada nel centru comercial Espaciu Buenavista d'Uviéu. Xunto a l’autor van tar Manuel García, arquitectu, y Rosario Hernández Catalán, filóloga, investigadora y docente. Nel mesmu espaciu pue vese, hasta'l 14 de febreru, la esposición “Estación Norte”, con fotografíes del propiu autor.

Sicasí, esta nun ye la única presentación pa esti xueves. A les 18:00 hores na Biblioteca del Campu San Francisco d’Uviéu l’escritor Xaviel Vilareyo presenta’l so ensayu “Los ambitos de la Nación Asturiana”, publicáu por Espublizastur. Al autor va acompañalu l’escritor Humberto Gonzali.