Gaita d’otru xeitu nel festival Rude Gaita

|

Celébrase esti sábadu 31 de xineru la segunda edición del festival Rude Gaita, onde se pueden ver grupos que tienen estilos avearos al punk o al rock, y nel que la gaita tien  munches vegaes importancia abondo.
 
El centru social de La Reflexón de Xixón nel barriu de La Calzada va acoyer la segunda edición del festival Rude Gaita. Nesta edición ye la casa de discos Xunca Records la encargada d’entamar esta xuntanza de grupos de corte alternativu. Pal conciertu d’anguaño hai previstos dos grupos asturianos y un italianu. La parte asturiana del cartel compónenla Fala Non Caduca, banda de la Pola L.lena que tienen en preparación la so primer maquetay  con daqué más d’esperiencia discográfica, ta tamién pa la nueche del sábadu Skama la Rede, con dos discos nel currículum y con planes d’espublizar un terceru. Dende Italia vien el grupu que va completar el cartel, Talco, de Venecia, con una mezcolanza na so música ska, punk y pachanga. La entrada del festival tien un preciu namás de 6 € anticipda y 8 € na puerta de la entrada del conciertu, que va abriri les sos puertes a les 19:30 hores.

Contador Estadistiques