Chile va acoyer les celebraciones del Día d'Asturies nel esterior

Chile va ser el país que va acoyer esti añu los actos conmemorativos del Día d'Asturies nel Esterior. Asina, s'acordó nun conceyu que caltuvo en Madrid la Conseyera de la Presidencia, Xusticia y Igualdá, María José Ramos Rubiera, col presidente de la Federación Internacional de Centros Asturianos (FICA), José Luis Casas.
Nel alcuentru, nel qu'amás se trataron otres cuestiones rellacionaes coles polítiques d'emigración, participaron tamién la viceconseyera de Seguridá y Emigración, Teresa Ordiz Asenjo, el presidente del Conseyu de Comunidaes Asturianes, Manuel Fernández de la Cera, y la directora de l'Axencia Asturiana d'Emigración, Ana Rivas Suárez.
 
Según informó'l Principáu nuna nota prensa, el criteriu principal que s'aplica pa elixir el llugar onde se celebra'l Día d'Asturies nel Esterior y el de rotar ente los distinos centros asturianos existentes, de tal manera que se vaya alternando un añu n'España y otru nel restu d'Europa o hasta n'América.
 
Nel 2008 foi sede oficial de los actos conmemorativos el Centru de Laussane, y nesta ocasión-y correspuende a un centru d'América. Hasta la fecha foi sede de los actos conmemorativos del Día d'Asturies nel Esterior los siguientes centros: Madrid, Bonos Aires, Bruseles,A Coruña y Laussane.
 
Nesti momentu existen más de 100 colectividaes asturianes repartíes ente los continentes d'América, Europa, Asia y Oceanía. El conceyu col presidente de la Federación Internacional de Centros Asturianos, nel que s'adoptó la decisión de que Chile fuere sede oficial del Día d'Asturies nel Esterior, foi'l puntu de partida d'otros contactos con asturianos nesti momentu afincaos en Madrid.
 
Esta tarde, na sede del Gobiernu del Principáu d'Asturies en Madrid, la conseyera s'aconceya colos presidentes de los centros asturianos de Madrid y Tres Cantos, y les cases d'Asturies d'Alcobendas y Alcalá de Henares: Cosme Sordo Obeso, Luz Galván, Justina García González y Julio Suárez Barzana.
 
Nesti alcuentru van participar tamién la viceconsyera de Seguridá y Emigración, el presidente del Conseyu de Comunidaes Asturianes, la directora de l'Axencia Asturiana d'Emigración, y el delegáu del Principáu d'Asturies en Madrid y Presidente de FICA.