Homenaxes populares despiden a Labordeta n’Aragón

|

La muerte de José Antonio Labordeta el domingu llevantó la emoción y l’homenaxe popular n’Aragón. La polifacética figura política y cultural recordóse peles cais de Zaragoza, como nuna Plaza San Felipe qu’axuntó a más de 2000 persones.

Político, músico, escritor, actor… José Antonio Labordeta foi una polifacética figura que cultivó política y cultura demientres la so vida. Na madrugada del domingu 19, Labordeta finó a los 75 años d’edá tres d’una llarga enfermedá.

Ayeri, nuna muestra de movilización popular, les cais de Zaragoza fixeron homenaxes espontáneos a la figura d’una persona que mandó nel Congresu “a la mierda” a “los que controlaron el poder tola vida”. D’ente toles concentraciones destacó la de la Plaza de San Felipe de Zaragoza, con participación de más de 2000 persones poniendo voz colectiva al “Canto a la libertad” que nel so día cantó Labordeta.
 
Aragonesista y d'izquierda
Les Cortes d’Aragón van dar abellugu güei a la capiya ardiente d’esti ex diputáu de la Chunta Aragonesista que foi “ún de los meyores defensores de los intereses d’Aragón, de la democracia y de la llibertá”, según tresmitió la organización na que militó. 
 

Contador Estadistiques