Darréu solidarízase colos mineros d'El Bierzo y L.laciana

La organización independentista de mocedá Darréu vien d’amosar nun comunicáu la so solidaridá colos “compatriotes mineros” d’El Bierzo y L.laciana. El colectivu denuncia les “inxusticies” d’empresarios y gobiernu del Estáu español.

Dende Darréu critiquen la situación de los trabayadores de les empreses mineres UMINSA, Grupo Villoria, y Coto Minero que tán viviendo l’impagu de los sos sueldos. “Una patronal ensin vergoña, un gobiernu cómpliz y unos sindicatos apoltronaos” son responsables de la situación pa la mocedá nacionaliego.

“Ye de sobra conocíu el problema del carbón n’Asturies, tres del ingresu del Estáu español na Xunión Europea”, considera Darréu, a la par que llama a la movilización pol futuru del sector. Nesi sen fain alcordanza d’otres lluches mineres, na so opinión, “del sur d’Asturies”, como la marcha a Madrid en xineru de 1992.

Acciones en solidaridá
En sofitu a los trabayadores en conflictu Darréu fixo una pancarta onde se denuncia la situación y tresmite la so solidaridá con esti posicionamientu públicu.