La deuda del Principáu sube a 1.300 millones el segundu trimestre

La deuda del Principáu d'Asturies aumentó un 40,3 por cientu nel segundu trimestre del añu (376 millones) en comparanza con igual periodu del 2009, hasta rexistrar 1.309 millones d'euros, la cifra más alta de tola serie histórica.

  
Según l'informe del Bancu d'España, consultáu por Europa Press, la deuda de les comunidaes autónomes aumentó un 26,5% nel segundu trimestre del añu en comparanza con igual periodu del 2009, hasta rexistrar 104.083 millones d'euros (el 9,8% del PIB), la cifra más alta de tola serie histórica. En relación al primer trimestre d'esti añu, la deuda nel Principáu aumentó un 21,64 por cientu (232 millones más).
 
D'esta forma, l'endeudamientu autonómicu acentuóse por mor de la crisis económica, que ta provocando una subida de los gastos y una cayida bien importante de la recaudación.
   
Los datos del Bancu d'España muestren amás que dende l'añu 1995, l'endeudamientu de les autonomíes nun paró de crecer, batiendo en cada exerciciu récors históricos, a pesar del compromisu d'estabilidá presupuestaria adquiríu nos últimos años.