Arranca L’Arribada 2010

La quinta edición de L’Arribada da empiezu güei en Xixón. Pasucais con gaita, un homenaxe a la poesía asturiana, con llectura de testos por representantes sociales y políticos, una proyección y música en vivo, arranquen l’eventu.

La Banda de Gaites de Corvera ye la encargada de dar el pistoletazu de salida de l’Arribada 2010 nel Puertu Deportivu de Xixón. A esto sígui-y l’actu institucional d’inauguración, a les 18 hores nel Antiguu Institutu de Xixón, y la proyección del documental n’eonaviegu “A bruxa de Brañavara” a les 18.30.

Pero’l platu fuerte del día va ser col Homenaxe a la Poesía Asturiana. Dende les 19.30, reconocíos políticos, deportistes, periodistes, actores, o empresarios, van facer llectura de testos poéticos asturianos que van dende’l movimientu de los ochocentistes hasta la xeneración de la postguerra.

Celia González Baschwitz, intérprete de gaita rabil y Hervè Perochon, col instrumentu dulcimer; van ser los encargaos de poner música en vivo demientres la llectura lliteraria.